Karg
Marodeur

Tracklist

• 1. Schnee ist das Blut der Geister (08:00)
   copy

  Des nomenlose Leiden, des si nia damit begnügt hod
  Uns a nua zwoa, drei oda a vier Schreie zan lehren
  Bei denen de Stimm vasogt und danoch nia wiedakehrt
  Oda si nua gnädig im Schnee in unhörboare Laute verirrt
  
  Koana hod mehr Nächte in dem oiden moaschn Haus vabrocht
  Is öfter duat g‘stoam, hod sein Frieden g’funden und durt wieda valuan
  In oi de Nächte des nichtweichenwollenden schwoazen Schnees
  Am Schnee der niemois Frieden und so a nie neies Leben bringt
  
  Do herobn is da Schnee es Bluat da Geister…
  …is da Schnee es Bluat da Geister…
  
  Herzbluat tränkt de trock‘ne Erdn
  Und hods so woi a scho imma
  Imma iangwia, mit meim, mit deim
  Owa vor oim min Bluat vom letzten Summa
  Junges Leben bricht zomm, nid vua mir oder dir
  Owa spätestens vuam nächsten Herbst
  Erst recht owa donn zum Winter hi
  Wei Schnee is es Bluat da Geister
  
  Schnee is es Bluat da Geister
  
  Koana hod mehr Nächte in dem oiden moaschn Haus valebt
  Is öfter duat g‘stoam, hod sein Frieden g’funden und durt a wieda valuan
  In oi de Nächte des nichtweichenwollenden schwoazen Schnees
  Am Schnee der niemois Leben und niemois wem sei Freiheit bringt
  
  Hier bin I g‘storbn
  Und imma wieda auferstondn
  Hier bin I, hier woa I
  Hier werd I imma sei
• 2. Findling (05:14)
   copy

  Dei liebevolle Geduid jenen Wahnwitz mit mir mitzanmochn
  Des Vaständnis dafia nebn am Menschen wia mia zan leben
  Dea immazua ruhelos woa, stets g’jogt und melancholiezerfressen
  Und imma mit oam Fuaß in am Gråb steht, des a si söwa g’schauflt hod
  
  …a Gråb des a si söwa g’schauflt hod…
  
  I hob a lächerliche Freiheit auf da ondan Seitn vamut
  Hob imma stiller g’lebt und nua g’woat, dass a mi hoit
  Woa jenseits vo froh & frei, woit leise ausm Lebn geh
  Wos ondas hob I nid vastondn, koa Glück, koa Gleichmut, gegen jeden inneren Frieden
  
  Heit woaß I, dass oi de schwaren Stunden
  De Todessehnsucht notwendig woa
  Um mein Weg zu dir z’finden
  Üwa kurze Schåttn und liachtdurchtränkte Föder
  
  Wenn de Liebe füa an ondan Menschen stärker wird ois jene für’n Tod
  Woaß ma, dass ma okumma is, wei so wiad ma nie wieda lieben
  Es woa a lächerliche Freiheit, de I jenseits dera Wödt g’suacht hob
  A Wödt in dea Wåhrheit nix bedeit, ma nid in Freiheit sondern goaned lebt
  
  Wenn’s de Liebe is, wos an gonz und goa umz’kehrn vamog und jede Faser varruckt
  Konnst nuamehr des empfinden, koa Bedrängnis mehr, des woaß I jetz
  Wenn’s a echte Liebe is, de imma und no länger währt
  Wenn ma jene Liebe empfinden ko, donn is‘ stärker ois da Tod
  
  Donn is des a Liebe stärker ois da Tod
  Und I bin mit ihr endlich frei wuan
• 3. Yūgen (07:11)
   copy

  Konnst di no erinnern, wiasd mi g’frogt host ob I aufgebn hob?
  Is scho a weng hea, und I glab I ho da a koa Åntwort gem
  Owa jo, kloa hob I auf’gem g’hobt
  Nua I kim sche longsom wieda z‘ruck
  I wü wieda d’Wärme g’spian wia im letzten Summa
  Mecht wieda Vatrautheit erfoan und oans mit Leben & Schicksoi wean
  
  Meine Liaben wernd mi herzlichst empfonga
  Und mi dro erinnern, wia long I einglich weg woa
  An de obertausend Meilen, de mi umtriem hom in oi de rostlosen Joah
  Obwois ma einglich nur sogn woitn, dass I g’föht hob
  
  Da Herbst wiad wieda eikehrn
  Wia a Schleier üwas Lånd
  De Luft wiad kloa und koit wean
  Hoit ma’d Hånd
  De obertausend Meilen
  Hinta fremden Meeren
  Wernd ned long vaweilen
  Nua ois vaklären
  
  Owa des san de Wege, de I geh mirsn hob
  Wei ohne de rostlosen Joah hinta fremden Meeren
  Warat I ma söwa fremd wuan, hätt I mi söwa valuan
  Warat I heit a ondra, und dahoam heit nid dahoam
  
  Meine Liaben wernd mi herzlichst empfonga
  Und mi dro erinnern, wia long I einglich weg woa
  An de obertausend Meilen, de mi umtriem hom in oi de rostlosen Joah
  Obwois ma einglich nur sogn woitn, dass I g’föht hob
  
  Da Herbst wiad wieda eikehrn
  Wia a Schleier üwas Lånd
  De Luft wiad kloa und koit wean
  Hoit ma’d Hånd
  De obertausend Meilen
  Hinta fremden Meeren
  Wernd ned long vaweilen
  Nua ois vaklären
  
  Da Herbst wuad wieda eikehrn
  An grauen Schleier üwas Lånd ziang
  De Luft wuad kloa und koit wean
  I wuadn herzlichst empfonga, wia ea a mi
  
  I hoff das I eines Tåges oafoch hoamkema ko
  Wo dea Ort sei wiad woas I no ned, owa I wean findn
  Du konnst gern weida in da Vagångenheit leben
  Nua wohnt do nermbd mehr dennst kennst
  Owa I wü es G’füh hom endlich o’kuma z’sei
  Mecht mi nia wieda fremd, nua willkommen fühn
  
  …I bin hoid scho so long miad…
• 4. Verbrannte Brücken (05:45)
   copy

  Vua längst vabrennde Bruckn knian ma uns in Ehrfurcht nieda
  Wussten um ea jähes End, owa fanden uns stets auf eana wieda
  Se san Mahnmoi fost vergess’nen Zeit
  Nix ondas ois G’schichten selbstauferlegten Leids
  San wia de Kinda vo am nia verroten oder betrogenem Leben
  
  …vo am nia vastondenem, ung’lebten Leben…
  
  Wia hätten sovü mehr hom kena
  Ois de Gemeinsåmkeit unsrer Erinnerung
  In ana ondan Zeit, de mehr g’wagt hätt
  Ois wia de uns‘re und leichter zan begreifen
  Jugend vageht, owa hallt in uns wieda
  Büder, Worte, Missgunst owa voroim Schuid
  Fremdes Glück, wöchas uns zwoa ebenso wenig
  G’währt wuan is, owa doch bessa vasprochen
  
  Wos gestan woa hod da Fluss mit sich g’numm
  In sei koides Gråb, er bringts uns nid wieda
  Oi de Leidenschåft, de letztendlich imma Leiden schofft
  Oi de vawoschenen Büder, und wir hom beides nie vawunden
  
  Wia hätten sovü mehr hom kena
  Ois de Gemeinsåmkeit unsrer Erinnerung
  In ana ondan Zeit, de mehr g’wagt hätt
  Ois wia de unsre und leichter zan begreifen
• 5. Annapurna (08:35)
   copy

  Wia de Tränen, de unbedocht aus Zeilen fliaßn
  Auf a eing’foins G’sicht in am zabrochenen Spiagl
  Wo de Scherben jena Zeit no imma tiafe Wunden schneidn
  Vaglimmt Hoffnung so schnö, wenn in ihr nia a Hauch vo Morgen lag
  
  Dea Briaf in meiner Hånd birgt sovü Vasöhnung
  Dafia so wenig Heimkehr, Frohsinn oder Dånkbarkeit
  I gib mei Lebn aus da Hånd
  Bin nie wieda Feder auf Papier
  Wei oi de schwaren Worte ana Demut
  De Müdigkeit diese Zeilen zan schreim
  …si woa scho imma hier…
  Is ned heit auf muang kuma
  …woa woi scho imma in mir…
  
  Doch füa de Liebe braucht ma an ondan Åtem
  Do steht es G’füh im Gegensåtz zu tausend Worte
  Wei unsa Vanunft misstraut oim Schenen
  Hosst’s ungefähre da G’fühle und valosst si nur auf Worte
  
  Du woast mei Annapurna
  Weniga Zuflucht, dafia imma mehr Tod
  Du woast mei Annapurna
  Mit Leichtfeia am Berg, owa trotzdem in Not
  
  Und wia in sovü vo meine ondan G’schichten
  Hondelt a de vom Schmerz und’m Vasuch’n z’vagessn
  Und a vo Liebe & Trost is ma nid oi z’vü bliem
  Trotzdem hoit I de Gerüchte um mein Tod für reichlich üwatriem
  
  Du hättast de Åxt sei soin füa as g’frorene Meer in mir
  Hättst mit mir soweit geh soin, wia I mit dia
  Kloa hods bess‘re Zeit gebn, nua des woa de uns’re
  Es gibt Såchn vo de ma nid loskumt, und I denk, des is a guad so…
  
  Du woast mei Annapurna
  Weniga Zuflucht, dafia imma mehr Tod
  Du woast mei Annapurna
  Mit Leichtfeia am Berg, owa trotzdem in Not
• 6. Reminiszenzen einer Jugend (07:33)
   copy

  De menschliche Tragödie woa imma scho a taktlose
  Hod uns sötn an Dienst erwiesen, a in Äusserungen a hoffnungslose
  Trostlos owa unversehrt, wia a Kind mit nomenlosem Leiden
  Koa Mitleid erwoatend umoamts oan doch mit bluatgetränkten Händen
  
  I bin a Friedhof vo sovü G’schichten
  De I oafoch nid vagessn ko
  Hob sovü Vergänglichkeit in mir
  De I nia g’scheid begrobn ho
  
  Wia weand erscht zu Briada und iangwonn zu uns’re G’schichtn
  Vo Freind zu Feinden und vo Liebende zu Fremden
  Hom glaubt wia hom mit da Vagångenheit obg’schlossn
  Owa si woi nid mit uns, si woi nid mit uns…
  
  Nua wenn a Freind weggeht muasst de Türn schliaßn
  Sunst wiads oi z‘schnö eiskoit und du wiastn gach vamissn
  So is a unsa Lebenssommertraum jäh wieda zabrochn
  Owa wo de Kindheit endt beginnt a de Poesie
  …beginnt de Poesie…
  
  Und sovü warat no zum schreiben g’wen
  Sovü Worte san no imma unausg’sprochn
  De Valetzungen vo friara, se wernd eh nimma heilen
  Owa I loss erna ea stille Wåcht, damits zumindest Nårben wean
  
  Nua de Vagånglichkeit birgt nix Versöhnlichs
  Nid füa mi, nid füa di oda irgendwem
  Doch Distanz schofft Kloaheit und schmälert de Låst
  Wei de Zeiten ändern si, de Zeiten ändern di
  
  Prost mei Freind, auf di und de Berg!
  Auf des wos woa und is, wia keman endlich wieda hoam
  Pass bittsche guad auf auf di, vagiss nia de Vagångenheit
  Wei I füa mein Teil, I hoits so fest I nua ko
  
  So san a unsa Jugend und ihre Summa
  Iangwonn obtrogn wuan vom Sånd da Zeit
  De Wüstn hod se jetz, se kean gonz und goa ia
  San jetz a Teil vo ihr unds Tor zu obertausend ondre Wüsten
  Owa entlong da Föder und Stråßn
  Durt wo ma aufg’wochsn san
  Wernd unsare Seelen ollawei weidalebn
  Und durt bleims a, wonn ma sterm
• 7. Kimm (06:09)
   copy

  Danke füa deine letzten Zeilen
  A wenn’s iangwia kleinmütig woan
  I hätt mas so niemois aussprechen traut
  Nua wo Liebe endet beginnt a Poesie
  Und monche Worte sprechen kloara
  Wia de G‘schehnisse vua a poa Joah
  San ned notwendig doch unausweichlich g‘wen
  Hom tiafste Ångst g’schürrt, owa de hod‘s braucht
  …de hods woascheinlich braucht…
  
  I vazeih uns ois und a de Deinen
  Ma woaß nia, es kunnt unsa letzte Gelegenheit sei
  Vazeih ma a du ois und a de Meinen
  Mei letzter Tod is noh, du derfst mi boid vagessn
  
  Hod mei Sterbn dabei g’hoifn, dei Lebn z’vabessern?
  I woas es nimma, woast as du?
  Wia I no um di bemüht woa hob I vielerlei Masken trogn
  Hob vasuacht koa Wort z’valiern üwa Såchn de du bessa g’wusst host…
  …ois wia I…
  
  Owa hätt I g’wusst wia wuadn uns niamehr sprechn
  Oda hätt I glaubt I wuad daro zabrechen
  Hätt I donn vo dia mehr Scheu erwoat?
  Hätt I da unsa End donn scho so boid varrotn?
  
  Owa I bin no imma do
  Und a wenn I nimma dro glaub
  Dasd mi zan finden vasuachst
  Nua wenn’s so wa, I bin no do
  Oda wos glaubst, vamisst mi scho gnuag
  Um a poa Schnåps auf mi z’trinken?
  Oda host eh scho gnuag trunken
  Dasd mi endlich vamisst?
  
  I vazeih uns ois und a de Deinen
  Ma woaß nia, es kunnt unsa letzte Gelegenheit sei
  Vazeih ma a du ois und a de Meinen
  Mei letzter Tod is noh, du derfst mi boid vagessn…
• 8. Anemoia (06:15)
   copy

  Unsa Lebn hod si vaändert
  Zua schlechtesten olla Wödtn
  Und lieg jetz brach vua uns
  Zutiefst in sich gespalten
  In da Åbg’schiedenheit des Grenzlånds
  Wo sterm ned tot sei bedeiten muas
  A Dystopie da Fåssungslosigkeit
  Am Hort zabrochna Träume
  
  Mei Lebn is in jene Tåg
  Einfoch unseglich zabrochn
  Bliem is nua a lautlosa Schmerz
  Dem söbst de Bitterkeit vasogt
  
  Wia du mi einst g’funden host host ma zwa an Tod erspoat
  Nua monchmoi is a Liebe köta ois da Tod
  Und wos nia woa wiad niemois sei
  Nua I hätt des ois gern friara g’wusst
  
  Owa wia de Nåcht si senkt
  Siag I ois wieda kloa vua mia
  Uns’re schloflosen Seelen bei Nåcht
  Wia se si de Wödt vasprechen
  
  I woit damit nua sogn
  Dass I ob und zua no an di denk
  Und an des wos ma g’hobt hom
  Ned oi zu oft, owa imma moi wieda
  Owa I bin uns so überdrüssig
  I bin uns so miad
  Und I glaub fost, du bist as a
Duration: 54:42